不打評價：正場價 $55不打總評：1>3>2 保留竊聽元素 不打‧短評88：竊聽風雲3 (有內容) - 趣味新聞網

發表日期 2014-06-16T06:16:27+08:00

     不打評價：正場價 $55

不打總評：1>3>2，保留竊聽元素，堅持以社會貪腐問題藉題發揮，有heart有say

港産片近年不乏佳作series，唔計黃百鳴賀歲係列，【金雞】、【喜愛夜蒲】都有3集
黎緊【葉問】都有第3集，但同一個主題同一班演員同一製作班底但玩唔同故事既
要數到林超賢【証人】【綫人】，而能夠去到第三集，就隻有【竊聽風雲】係列

【無間道】成名，飛走劉偉強，麥兆輝與莊文強既麥莊配，可謂套套佳作，質素有保證
叫做俾人小爆2011年丹爺既【關雲長】，其實國內當年都收過2億
香港人盲目唔睇閤拍片，其實拍得唔差既偉仔【聽風者】，其實都收過2億
除左2008年鄭秀文果套【大搜查之女】炒底外(事實係鄭秀文係國內根本沒叫座力，套套都炒)
【竊聽風雲】【竊聽風雲2】一樣套套收過2億，呢套【竊聽風雲3】4日收億四，相信過硬4億
難得麥莊配醒目，【竊聽風雲】係列每隔兩年一齣，錶麵拍一套港産片，再拍一套閤拍片梅花間竹咁
但其實套套都係閤拍片，我地值得反思既係：
如果純計資金來源，查實香港仲邊有港産片！？

第一集講一間公司非法控股，第二集講一個組織聯手造市，越玩越大
今集講丁權、講地産霸權、講官商勾結，1個土皇帝兩代人6個土豪兩間上市公司明爭暗鬥恩怨情仇
竊聽竊影hack電腦hack手機，搶丁搶地凶村民殺兄弟，論盡新界土豪嗱喳手段，黃賭毒貪飯飯拍齊
視野、批判性、信息內容越拍越大，有heart有say係值得鼓勵，但電影時間有限
鋪前設、交代人物關係、再寫角色衝突，坦白講都成粒鍾，講丁權、地産霸權、官商勾結又講半粒鍾
導緻真正三方人馬兩麵勢力正式反麵對決時，反而非常簡單膚淺，偷拍片段曝光，兵敗如山
根本鬥都沒鬥過，劇力尾段大減，最後更流於港産一貫睏獸一獲熟，飛車私鬥撞來撞去一瞭百瞭
係有D失望，相對神作第一集，明顯係高低立見

選角齣色位位演技一流，最搶眼我覺得反而係方中信，笑得又惡得，造型突齣角色又夠搶
青雲演爛仔土豪角色駕輕就熟，今次多左一份老練、內歛、執著、老謀深算既氣質，我好buy
搵周迅明顯為國內市場，so far佢個角色有d大材小用，同吳彥祖又撞唔齣咩火花

陳木勝【掃毒】唱【誓要入刀山】係神，首尾呼應貫穿成套戲之餘，係象徵兄弟情既忠肝義膽
人唱你又唱，無能啦啦5條佬唱【風雲（共你癡癡愛在）】，我呢輩八十前聽都未聽過，全場恥笑！
仲有最後劉青雲跪係度喊乜9？！完全錯曬，仲要條靚仔過黎安慰佢，突然變左笑片咁，效果好差！

【竊聽風雲】係列一嚮以刻劃人類既貪念為主軸，第一集講報應，第二集講執著
相對前兩集，今集反而唔知想講乜，極其量係講深情，聚焦唔到
第一集既神，某程度上因為係以普通警察為角度，一個貪念萬劫不復既無奈，較現實，戲味先夠
上集地主會、今集土豪上市，已經越睇越抽離，失去左第一集既精髓
野心太大，明顯麥莊配handle唔到太宏大、角色太多既作品

Youtube：港産不打
Facebook：港産
Weibo：港産不打_微博
************************
港産不打
全職非牟利網絡打手
100%支持本地製作
乜戲都打，淨係唔打港産
************************

分享鏈接